VIDEO:…अन् बापानेच मुलाला भर रस्त्यात पेटवून दिले

बापानेच मुलाला भर रस्त्यात जिवंत जाळल्याची धक्कादायक घटना समोर आली आहे. बंगळुरुमधील वाल्मिकी नगर परिसरात ही घटना घडली. संपूर्ण घटनाक्रम सीसीटीव्ही कॅमेरात कैद झाला असून पोलिसांनी मुलाला जिवंत जाळणाऱ्या बापाला अटक केली आहे. अर्पित सेतिया असे मुलाचे नाव आहे. शेजाऱ्यांनी दिलेल्या तक्रारीच्या आधारे पोलिसांनी पित्याला अटक केली आहे.

व्हायरल झालेल्या व्हिडीओत मुलगा अर्पित इमारतीमधून बाहेर येताना दिसत आहे. त्याच्या मोगोमाग वडील सुरेंद्र येतात आणि माचिसची काडी पेटवून त्याच्या अंगावर फेकतात. मुलगा यावेळी तिथेच उभा असतो. पहिली काडी वाया गेल्यानंतर वडील दुसरी काटी पेटवून टाकतात आणि मुलाचं शऱीर पेट घेतं. यानंतर तो तसाच आरडाओरडा करत पळत जाताना दिसत आहे. स्थानिकांनी धाव घेत आग विझवली आणि अर्पितला रुग्णालयात दाखल केलं. या आगीत अर्पित ६० टक्के भाजला. गुरुवारी सकाळी उपचारामदरम्यान त्याचं निधन झालं.

अर्पितने तीन वर्षांपूर्वी त्याचे वडील सुरेंद्र कुमार यांचा फॅब्रिकेशनचा व्यवसाय घेतला होता, परंतु तो व्यवस्थित चालवू शकला नाही. जेव्हा सुरेंद्रने व्यवसायाचा हिशोब मागितला तेव्हा अर्पितने तो देण्यास नकार दिला, यानंतर सुरेंद्र यांनी टोकाचं पाऊल उचललं अशी माहिती मिळत आहे.