‘बिग बॉस’फेम अभिनेत्री सई लोकूर अडकली विवाहबंधनात

गेल्या कित्येक दिवसांपासून ‘बिग बॉस’फेम अभिनेत्री सई लोकूरच्या लग्नाची जोरदार चर्चा सुरु होती. आज अखेर सई तिर्थदीप रॉयसोबत विवाहबंधनात अडकली आहे. सोमवारी ( ३० नोव्हेंबर) सकाळी ९.५४ वाजता सई आणि तिर्थदीप यांचा मराठमोळ्या पारंपरिक पद्धतीने लग्नसोहळा पार पडला. लग्नकार्यातील प्रत्येक सोहळ्याचे, कार्यक्रमाचे फोटो, व्हिडीओ सईने इन्स्टाग्रामवर शेअर केले आहेत. २ ऑक्टोबर २०२०२ रोजी सई व तीर्थदीप यांचा साखरपुडा पार पडला होता.