"राजकारणातील हा दिलदारपणा आणि खिलाडूवृत्ती फक्त महाराष्ट्रात दिसते" ​

“ hats off…" या पंकजा मुंडे यांच्या ट्विटवर रोहित पवार यांनी ट्विटवर प्रतिकिया दिली. त्यांनी "धन्यवाद ताई! " अशी ट्विटची सुरुवात केली. राजकारणातील हा दिलदारपणा आणि खिलाडूवृत्ती फक्त महाराष्ट्रात दिसते आणि महाराष्ट्राची ती संस्कृती आहे. पण अलीकडे आपल्या राजकीय फायद्यासाठी राज्याचा अवमान करणाऱ्यांनी आपल्याकडून मनाचा मोठेपणा जरूर शिकावा.असे म्हणत एकप्रकारे त्यांनी विरोधी नेत्यांना टोलाच लगावला आहे. कोरोनाच्या काळातही राष्ट्रवादी काँग्रेसचे अध्यक्ष शरद पवार यांचे राज्यभर दौरे, बैठका सुरुच आहेत. ऊसतोड कामगार आणि ऊस वाहतूक संघटनांच्या विविध मागण्यांसंदर्भात पुण्यातील वसंतदादा शुगर इन्स्टिट्यूट येथे शरद पवारांच्या उपस्थितीत बैठक पार पडली. या बैठकीत भाजपा नेत्या पंकजा मुंडेही उपस्थित होत्या. ऊसतोड कामगारांच्या दरवाढीच्या मागणीबाबत या बैठकीत यशस्वी तोडगा काढण्यात आला. यानंतर पंकजा मुंडे यांनी ट्विट करत “ hats off…कोरोनाच्या परिस्थितीत इतका दौरा, आपली बैठक आणि आपल्या काम करण्याच्या स्टॅमिनाचे अप्रूप वाटले… पक्ष, विचार आणि राजकारण वेगळे जरी असले, तरी कष्ट करणाऱ्याविषयी आदर व्यक्त करायचे मुंडे साहेबांनी शिकवले आहे,” अशा शब्दात पंकजा मुंडे यांनी शरद पवारांच्या कामाबद्दल आदर व्यक्त केला आहे. त्यांच्या या ट्विटवर रोहित पवार यांनी प्रतिक्रिया दिली आहे.