अमेरिकेत कोरोनाबाधितांच्या संख्या वाढत असताना दुसरीकडे कोरोनामुळे होणाऱ्या मृतांच्या संख्येत वेगाने वाढ होत आहे. मंगळवारी एकाच दिवसात चार हजार जणांच्या मृत्यूंची नोंद करण्यात आली. कोरोनाच्या वाढत्या संसर्गाला अटकाव करण्यासाठी अमेरिकेत लसीकरण मोहीम सुरू करण्यात आली असतानाही कोरोनाबाधितांची संख्या वाढत आहे. मंगळवारी संध्याकाळपर्यंत ४१९७ जणांचा करोनाच्या संसर्गामुळे मृत्यू झाला. एकाच दिवशी सर्वाधिक मृतांची नोंद मंगळवारी करण्यात आली. याआधी ७ जानेवारी रोजीच एकाच दिवशी ४१९४ जणांच्या मृत्यूची नोंद करण्यात आली होती.