यंदा फेब्रुवारीपर्यंत थंडी, उत्तर भारतात हिवाळा अधिक तीव्र

देशातील बहुतांश भागांमध्ये डिसेंबर, जानेवारी व फेब्रुवारी या महिन्यांमध्ये किमान तापमान हे सामान्यपेक्षा कमी राहण्याची शक्यता आहे. पूर्वोत्तर भागांमध्ये व दक्षिण भारतातील बहुतांश उपविभागांमध्ये किमान तापमान हे सामान्यपेक्षा अधिक राहण्याची शक्यता आहे.उत्तर, उत्तर-पश्चिम व मध्य भारताच्या बहुतांश उपविभागांमध्ये तसेच पूर्व भारतामधील काही विभागांमध्ये किमान तापमान सामान्य कमी राहण्याची शक्यता असल्याची माहिती भारतीय हवामान विभागाकडून देण्यात आली आहे. यंदाच्या मोसमात थंडीच्या लाटा येण्याची शक्यताही अधिक असल्याचाही अंदाज व्यक्त करण्यात आला आहे.