नाशिक हादरले; 13 वर्षीय मुलीवर सामूहिक बलात्कार

नाशिक - एकलहरे रोडवरील अरिंगळे मळा येथे एका 13 वर्षीय मुलीवर सामूहिक बलात्कार झाला आहे. पीडित मुलीच्या आईने याबाबत नाशिकरोड पोलिस ठाण्यात तक्रार दिली आहे. याप्रकरणी नाशिकरोड पोलिसांनी सात संशयितांना अटक केली आहे. या सात संशयितांमध्ये एका अल्पवयीन मुलासह एका महिलेचा समावेश आहे. दीपक खरात (वय १९, रा. सिन्नर फाटा), रवी कुऱ्हाडे (वय १९, रा. पांडवलेणी जवळ), आकाश गायकवाड (वय २४, रा. रेल्वे ट्रॅक्शन, नाशिकरोड), सुनील कोळे (वय २४, रा. आम्रपाली झोपडपट्टी, कॅनॉलरोड), सोमनाथ खरात (वय १९, रा. गुलाबवाडी, मालधक्कारोड) आणि पूजा वाघ (वय २७) अशी अटक केलेल्या संशयितांची नावे आहेत. रविवारी सकाळी सर्व संशयितांना नाशिक कोर्टात हजर केले असता, त्यांना 16 जानेवारीपर्यंत पोलिस कोठडी सुनावण्यात आली आहे, अशी माहिती नाशिकरोड पोलीस ठाण्याचे वरिष्ठ पोलीस निरीक्षक सूरज बिजली यांनी दिली.