नैतिकतेच्या मुद्यावर धनंजय मुंडेंनी राजीनामा द्यावा : चंद्रकांत पाटील

राज्याचे समाजिक न्यायमंत्री धनंजय मुंडे यांनी नैतिकतेच्या मुद्द्यावर राजीनामा द्यावा. तसेच रेणू शर्मा यांच्यावर अनेकांनी आरोप केलेत त्या प्रकरणीही कोणत्याही चौकशी यंत्रणेकडून चौकशी करण्यात यावी, अशी मागणी भाजपाचे प्रदेशाध्यक्ष चंद्रकांत पाटीलयांनी पुण्यात आयोजित पत्रकार परिषदेत केली आहे. रेणू शर्मांची चौकशी जरूर करा पण करूणाचं काय? ती माहिती इतके दिवस का लपवली. या नैतिकतेच्या मुद्यावरून तरी धनंजय मुंडे राजीनामा देणार की नाही? असा सवाल भाजपाचे प्रदेशध्यक्ष चंद्रकांत पाटील यांनी केला. या पार्श्वभूमीवर भाजपा महिला मोर्चाच्या माध्यमातून सोमवारपासून राज्यातील जिल्हाधिकारी, तहसील कार्यालयासमोर आंदोलन करणार असल्याचे चंद्रकांत पाटील यांनी सांगितले.