महाराष्ट्र केसरी कुस्ती स्पर्धेला शासनाची परवानगी

महाराष्ट्र केसरी कुस्ती स्पर्धा आणि ६४ व्या वरिष्ठ गट गादी व माती राज्यस्तरीय कुस्ती अजिंक्यपद स्पर्धेला महाराष्ट्र शासनाने गुरुवारी परवानगी दिली.महाराष्ट्र राज्य कुस्तीगीर परिषदेच्या पाठपुराव्याला यश मिळाले असून कोरोनाविषयक सर्व नियमांचे पालन करून या कुस्ती स्पर्धेला परवानगी देण्यात आली आहे. शासनाने आखून दिलेल्या मार्गदर्शक तत्त्वांनुसार प्रत्यक्ष संपर्क असलेल्या क्रीडा प्रकारांमध्ये कुस्तीचा समावेश होता. याआधी वैयक्तिक कौशल्य आणि तंदुरुस्तीपुरती खेळाडू आणि प्रशिक्षकांना प्रमाणित कार्यपद्धतीनुसार परवानगी होती. मात्र शासनाच्या या आदेशाने अन्य स्पर्धा संयोजकांनाही दिलासा मिळाला आहे.