...तर पक्ष सोडा आणि मोकळे व्हा- सलमान खुर्शीद

बिहार निवडणुकीत काँग्रेसने चांगली कामगिरी केली नाही असं म्हणत काँग्रेसने आता अंतर्मुख होऊन विचार करायला हवा असा सल्ला कपिल सिब्बल यांनी दिला. त्यानंतर आता काँग्रेसचे ज्येष्ठ नेते सलमान खुर्शीद यांनी कपिल सिब्बल यांच्यावर टीका केली आहे. ज्यांना पटत नसेल त्यांनी पक्ष सोडून बाहेर जावं असाही सल्ला एका मुलाखतीत सलमान खुर्शीद यांनी दिला आहे. सलमान खुर्शीद यांनी एक भलीमोठी फेसबुक पोस्ट लिहून कपिल सिब्बल यांना ‘डाऊटिंग थॉमस’ म्हणजेच सदैव संशय घेणारा व्यक्ती असं म्हटलं आहे. आधी राजस्थानचे मुख्यमंत्री अशोक गेहलोत यांनीही सिब्बल यांच्यावर टीका केली होती. अंतर्गत गोष्टी चव्हाट्यावर आणण्याची गरज नव्हती असं गेहलोत यांनी म्हटलं होतं. आता कपिल सिब्बल यांच्यावर सलमान खुर्शीद यांनी टीका केली आहे.