धनंजय मुंडे राजीनामा देणार ?

बलात्काराच्या गंभीर आरोपांनंतर राष्ट्रवादी काँग्रेसचे नेते धनंजय मुंडे आज पक्ष कार्यालयात जनता दरबारासाठी आले होते. त्यापूर्वी त्यांनी प्रसारमाध्यमांशी
संवाद साधला. यावेळी धनंजय मुंडे यांना राजीनाम्यासंबंधी विचारण्यात आलं असता त्यांनी "याबाबत शरद पवार आणि पक्षातील मोठे नेते विचार करतील आणि त्याबाबत निर्णय होईल" असं सांगितलं. मी स्वत: शरद पवारांकडे स्पष्टीकरण दिलं आहे. बुधवारी सकाळीच मी त्यांची भेट घेऊन सविस्तर माहिती दिलेली आहे. आणि माझं व्यक्तीगत जे म्हणणं आहे ते मी प्रेसनोटच्या माध्यमातून प्रसारमाध्यांना दिलं आहे, असेही ते म्हणाले. प्रसारमाध्यमांशी बोलल्यानंतर धनंजय मुंडे यांनी नेहमीप्रमाणे राष्ट्रवादी काँग्रेस पक्ष कार्यालयात जनता दरबारास उपस्थित राहिले आणि जनतेच्या भेटी घेतल्या व त्यांच्या समस्या जाणून घेतल्या.