महाराष्ट्रात ३१ जानेवारीपर्यंत निर्बंध कायम

भारतातही मंगळवारी कोरोनाच्या नव्या विषाणूंची लागण झालेले रुग्ण आढळले आहेत. यामुळे महाराष्ट्रातही कोरोनाचं संकट पुन्हा नव्याने निर्माण होऊ नये यासाठी सर्वतोपरी काळजी घेतली जात आहे. यामुळेच कोरोनाच्या पार्श्वभूमीवर राज्य सरकारने राज्यात ३१ जानेवारीपर्यंत मिशन बिगीन अगेन लागू राहील असं जाहीर केलं आहे.राज्य सरकारकडून या संबंधीचा अधिकृत अध्यादेश काढण्यात आला आहे. यामध्ये राज्य सरकार कोरोनाचा फैलाव रोखण्यासाठी राज्यातील लॉकडाउन ३१ जानेवारी २०२१ पर्यंत वाढवत असल्याची माहिती दिली आहे. आता राज्य सरकारने राज्यात ३१ जानेवारीपर्यंत सध्या असलेले निर्बंध कायम राहतील असं स्पष्ट केलं आहे.